أنت ليه مش بتمسك إيدي

ملك الحنان الأربعاء مارس 30, 2011 5:42 am

أنت ليه مش بتمسك إيدي
وإحنا ماشيين في الشارع ؟؟

أصدقاء

' أنت ليه مش بتمسك إيدي وإحنا ماشيين في الشارع ؟'
'لأ بلاش...افرضي حد من قرايبك شافنا ؟
والا حد من أصحاب أخوكي في الكلية ؟
إن شاء الله يا حبيبتي بكره نتخطب وامسك إيديكي ادام الدنيا كلها '.

خطوبة

'أنت ليه مش بتمسك إيدي وإحنا ماشيين في الشارع؟'
'علشان مش عاوز حد يفتكر إننا علشان اتخطبنا
هنضيع بقى ونعيش حياتنا..وبعدين
بصراحة كده أنا مستحرم...
إن شاء الله بكره نتجوز وامسك إيدك وإنتي مراتي
حبيبتي في الحلال '.

زواج

'أنت ليه مش بتمسك إيدي وإحنا ماشيين في الشارع؟''
'يا حبيبتي إحنا مش مراهقين بقى هنمسك إيد بعض في الشارع وكده....
إحنا اتنين متجوزين ومحترمين وعندنا بيت
نعمل فيه اللي عاوزين نعمله'..

زواج وأطفال

'أنت ليه مش بتمسك إيدي وإحنا ماشيين في الشارع؟'
'يعني امسك إيدك والا امسك إيد البنت
والا اشيل الأكياس دي كلها ؟!'

زواج بعد 25 سنة

'أنت ليه مش بتمسك إيدي وإحنا ماشيين في الشارع؟'
'إيدك إيه بس اللي هامسكها دلوقتي !
إنتي عاوزه جوز بنتك يقول علينا كبرنا وخرفنا؟

زواج بعد 50 سنة

'أنت ليه مش بتمسك إيدي وإحنا ماشيين في الشارع؟'

يعني امسك ايدك واسيب العكاز علشان اقع
مانا عارف عايزة تخلصي مني عشان توريثينى ؟

!!!!!!!!!!!!!!!!!!!